གངས་ལྗོངས་རྨི་ལམ

གངས་ལྗོངས་རྨི་ལམ

Snow-land Dream

གླུ་བ།ནོར་བུ་བཟང་གྲུབ།

By Norbu Sang drub

ཁ་བ་མར་མར་འབབ་པའི་ཡུལ་དེ་ལ།།

སེམས་བཟང་གངས་ལྟར་དཀར་བའི་སྐྱེ་བོ་ཚོ།།

རྩྭ་ཐང་སྟེང་ནས་ཁྱེད་ལ་བསྟོད་གླུ་ལེན།།

ནོར་ཕྱུགས་འཕེལ་བའི་བཀྲིས་སྨོན་འདུན་ཞུ།།

______________________________

ང་ནི་གངས་ཅན་བོད་པའི་གངས་ཕྱུག་ཡིན།།

མཛེས་པའི་བོད་ལྗོངས་ང་ཡི་ཕ་ཡུལ་ཡིན།།

གངས་རིའི་སྟེང་ནས་ཁྱེད་ལ་བསྟོད་གླུ་ལེན།།

ཆོས་ལྡན་ཞིང་ཁམས་སྐྱིད་པའི་ས་བླའི་ལྗོངས།།

------------------------------

སེམས་གཏིང་གི་ཕ་ཡུལ་བོད་ལྗོངས།།

ཁྱེད་ལས་མཛེས་པའི་ཡུལ་མཐོང་མ་མྱོང་།།

ཁྱེད་ཀྱི་སྙན་གྲགས་འཛམ་གླིང་ཡོངས་སུ།།

ནམ་མཁའི་ཉི་འོད་ལྟར་ནས་ཡང་ང་ཚོར་དྲོ།།

--------------------------------

ཆུ་མོ་ཤང་ཤང་རྒྱུགས་པའི་ཡུལ་དེ་ནི།།

རི་ཀླུང་གཙང་པའི་ངོ་མཚར་བོད་ལྗོངས་ཡིན།།

ཨ་སྔོན་ནམ་མཁའི་དབྱིངས་སུ་བསྟོད་གླུ་ལེན།།

འཛམ་གླིང་ཞི་བདེ་ཡོང་བའི་སྨོན་འདུན་ཞུ།།

------------------------------

དཀར་གཙང་གྱི་མཇལ་དར་སྟེགས་ནས།།

ཁྱེད་ཀྱི་ཕྱོགས་སུ་གླུ་དེ་ལེན།།

ཁྱེད་ཀྱི་སྙན་གྲགས་འཛམ་གླིང་ཡོངས་སུ།།

ནམ་མཁའི་ཉི་འོད་ལྟར་ནམ་ཡང་ངོ་ཚོར་དྲོ།།